ლისაბონში საფეხბურთო სამყაროს ვარსკვლავები ლეგენდების საქველმოქმედო მატჩისთვის შეიკრიბნენ, რათა დახმარებოდნენ ომისა და ადგილობრივი კონფლიქტების დროს დაზარალებულ საზოგადოებას მთელ მსოფლიოში. ლეგენდების მატჩს 22 000-ზე მეტი გულშემატკივარი დაესწრო, ხოლო მილიონობით ადამიანისთვის თამაში ონლაინ გადაიცემოდა.
აღნიშნული საქველმოქმედო შეხვედრა SBC ლისაბონის სამიტის გარშემო დაგეგმილი საქველმოქმედო ღონისძიებაა, სადაც SMH Global-ი ჩართული იყო როგორც ივენთის სტრატეგიული პარტნიორი.
„მოხარული ვართ, რომ საქველმოქმედო მატჩის ორგანიზებაში SMH Global-ი ერთ-ერთი სტრატეგიული პარტნიორი გახლდათ. ჩვენ, SMH Global-სა და SBC-ის მჭიდრო და სტრატეგიული პარტნიორობა გვაკავშირებს წლების განმავლობაში მედია და სამიტების ნაწილში.
ქვეყნის ფარგლებს გარეთ, აღნიშნული საფეხბურთო საღამო ჩვენი გუნდისთვის მორიგი წარმატებული პროექტია.
საქველმოქმედო ლეგენდების მატჩში მონაწილეობა ჩვენს პარტნიორობას კიდევ უფრო ფართო და მასშტაბურს ხდის”, - განაცხადა SMH Global-ის დამფუძნებელმა, ლაშა მაჭავარიანმა.
მატჩი პორტუგალიელი ლეგენდების გამარჯვებით, 4-1 დასრულდა. გოლების გატანა პაულეტამ, ელდერ პოშტიგამ, ლუიშ ფიგუმ და პეპემ გაიტანეს. ხოლო მსოფლიო ლეგენდების შემადგენლობიდან თავის გამოჩენა მაიკლ უოენმა შეძლო. მატჩის საუკეთესო ფეხბურთელი კი ლუიშ ფიგუ გახდა.
აქვე გეტყვით იმასაც, რომ მატჩი საქველმოქმედო ხასიათს ატარებდა და შეხვედრის ბოლოს 600,000 ევროზე მეტი შეგროვდა. მატჩის მაისურებისა და სპეციალური ბუცების აუქციონით დამატებით თანხა შეგროვდება.
მატჩის მიმოხილვა
