ემილ ჰესკიმ დაასახელა ფეხბურთელი, ვისაც მისი აზრით მომავალში ალან შირერის 260-გოლიანი რეკორდის მოხსნა შეუძლია. ვეტერანი ინგლისელი ფორვარდისთვის ასეთი მოთამაშეა ჰარი კეინი, ცხადია, იმ შემთხვევაში, თუ ის ნისლიან ალბიონზე დაბრუნდება.
"ფეხბურთელი, ვისაც შეუძლია შირერის რეკორდის მოხსნა, კეინი არის. იმ შემთხვევაში, თუ ის დაბრუნდება პრემიერ ლიგაში, ყოველ სეზონში 15-20 ბურთს შეაგდებს. დიახ, ჰარის მოემატება ასაკი, მაგრამ შეხედეთ მოდრიჩს...ის 40-საა და დონეს ინარჩუნებს. რატომ არ შეუძლია იგივეს გაკეთება ინგლისელ ფორვარდსაც?
ბაიერნის თავდამსხმელი შესაძლოა არ იყოს თავისი გუნდის სასტარტო შემადგენლობის რეგულარული წევრი, თუმცა ალანის გადასწრებას ის მაინც შეძლებს. მთავარია, მიუნხენელთა მე-9 ნომერი დაბრუნდეს იქ, სადაც ყველაფერი დაიწყო", - განაცხადა ლივერპულის ექს-ფორვარდმა.
