დადასტურებულად — მასიმილიანო ალეგრი ნაპოლის ჩაიბარებს! მხარეებმა გარიგების ყველა დეტალი უკვე შეათანხმეს და 58 წლის იტალიელ სპეციალისტს ახალ კლუბში ელიან, სადაც "პარტენოპეისთან“ 2-წლიან კონტრაქტს გააფორმებს.
მას შემდეგ, რაც ანტონიო კონტემ ნაპოლი დატოვა, ნეაპოლურ კლუბს არაერთი მწვრთნელი დაუკავშირეს. განიხილებოდა ვინჩენცო იტალიანოსა და ანდონი ირაოლას კანდიდატურებიც, თუმცა აურელიო დე ლაურენტისის მთავარი არჩევანი თავიდანვე სწორედ მასიმილიანო ალეგრი იყო. სიტუაციას ისიც დაემატა, რომ იტალიელი სპეციალისტი მილანმა რამდენიმე დღის წინ გაათავისუფლა, რამაც ნაპოლის გადაწყვეტილება მნიშვნელოვნად გაამარტივა.
თუ ბოლო მომენტში რაიმე გაუთვალისწინებელი არ მოხდა, ნაპოლი მასიმილიანო ალეგრის მთავარი მწვრთნელის პოსტზე უახლოეს დღეებში ოფიციალურად წარადგენს.
