მანჩესტერ სიტის მთავარმა მწვრთნელმა, ხოსეპ გვარდიოლამ ისაუბრა იმის შესახებ, თუ როდის დაბრუნდება ერლინგ ჰოლანდი. ესპანელმა სპეციალისტმა დაადასტურა, რომ თუ რაიმე გაუთვალისწინებელი არ მოხდა, მისი შეგირდი მოედანზე უახლოეს მატჩში გამოვა. "ქალაქელების" მეტოქე პრემიერ ლიგაში ბარნლი იქნება.
"ჰოლანდი განაცხადში იქნება. დიახ, ის დაბრუნდა. მან სიტი დღითიდღე ძლიერდება, რადგან მთელი შემადგენლობა უკვე მწყობრშია. ერლინგი გუნდის უმნიშვნელოვანესი მოთამაშეა. რაც ყველაზე მთავარია, ის თავს ძალიან კარგად გრძნობს", - განაცხადა მანჩესტერელთა სპეციალისტმა ნორვეგიელის შესახებ.
შეგახსენებთ, რომ "ქალაქელების" თავდამსხმელი ტრავმის გამო მოედანზე 6 დეკემბრის შემდეგ არ გამოსულა. ამის მიუხედავად, პრემიერ ლიგის მიმდინარე სეზონში მან 14 ბურთის შეგდება მაინც მოასწრო. საერთო ჯამში კი "ლურჯების" 9-იანის მონაგარი ინგლისში გადმოსვლის შემდეგ 75 მატჩში 71 გოლს შეადგენს.
Premier League
როდის დაბრუნდება ჰოლანდი? - გვარდიოლას კომენტარი
