პსჟ-ს მთავარმა მწვრთნელმა ლუის ენრიკემ პრესკონფერენცია გამართა და რამდენიმე საინტერესო თემაზე ისაუბრა. კითხვაზე, თუ რის ხარჯზე აპირებს ის ჩემპიონთა ლიგის ფინალში ინტერის დამარცხებას, შემდეგი პასუხი გასცა:
"ეს ყველაზე მნიშვნელოვანი მატჩია სეზონში და განსაკუთრებულად ვემზადებით. მოგებისთვის საჭიროა, რომ ზედმეტი წნეხის გარეშე ვითამაშოთ და ვაჩვენოთ ჩვენი ფეხბურთი.
ჩემპიონთა ლიგის თასი პარიზში უნდა ჩავიტანოთ და ისტორია დავწეროთ. ინტერი კარგი გუნდია როგორც დაცვაში, ისე შეტევაში, თუმცა ჩვენც აქ ვართ.
წლევანდელ სეზონში ჩემი გუნდის წარმატების მთავარი საიდუმლო გუნდურობაა. ყველა ფეხბურთელი, ვინც მოედანზეა, პროდუქტიულია დაცვაშიც და შეტევაშიც."
შეგახსენებთ, რომ ჩემპიონთა ლიგის ფინალური მატჩი ინტერსა და პსჟ-ს შორის, 31 მაისს შედგება.
