უიმბლდონის მეორე რაუნდში ნიკოლოზ ბასილაშვილი იტალიელ ლორენცო სონეგოს დაუპირისპირდა და საკმაოდ დრამატული ბრძოლა გამართა.
პირველი ორი სეტის უშანსოდ წაგების შემდეგ, ბასილაშვილმა ძალები მოიკრიბა, მესამე სეტი მაღალ დონეზე ჩაატარა, საქმე ტაი-ბრეიკამდე მიიყვანა, სადაც მოიგო და თამაშში დაბრუნდა.
მეოთხე სეტში ბასილაშვილი 6:5 ბრეიკით აგებდა, როცა უკუბრეიკი გააკეთა და ზედიზედ მეორე ტაი-ბრეიკი ვიხილეთ, სადაც ბასილაშვილი წინ იყო და მოგება შეეძლო, მაგრამ ორი საკუთარი ჩაწოდება დათმო, რაც გარდამტეხი აღმოჩნდა ამ შეხვედრაში.
საბოლოოდ, ბასილაშვილმა სონეგოსთან 1:6 3:6 7:6 6:7 წააგო. ლაივ რეიტინგში ქართველი ჩოგბურთელი 107-ე პოზიციას იკავებს.
