ლუის ენრიკე პარის სენ-ჟერმენთან ერთად ჩემპიონთა ლიგის გამარჯვებული გახდა. ის შეუერთდა მწვრთნელების იმ სიას, რომლებმაც ევროპის ყველაზე პრესტიჟული საკლუბო ტურნირი ორ გუნდთან ერთად მოიგეს. შეგახსენებთ, რომ პსჟ-მდე, ესპანელმა სპეციალისტმა ეს შეძლო ბარსელონასთან ერთად, 2015-ში.
რაც შეეხებათ დანარჩენ მწვრთნელებს, პირველმა ეს მოახერხა ერნსტ ჰაპელმა, რომელიც ჩემპიონი გახდა ჯერ როტერდამის ფეიენოორდთან ერთად, შემდეგ კი ჰამბურგთანაც. ავსტრიელი დამრიგებლის მიღწევა მოგვიანებით გაიმეორეს ოტმარ ჰიცფელდმა, იუპ ჰაინკესმა, კარლო ანჩელოტიმ, ჟოზე მოურინიომ, პეპ გუარდიოლამ, წელს კი პარიზელთა სპეციალისტმაც.
მწვრთნელები, რომლებმაც ჩემპიონთა ლიგა ორ გუნდთან ერთად მოიგეს
| მწვრთნელი | გუნდები |
| ერნსტ ჰაპელი | ფეიენოორდი, ჰამბურგი |
| ოტმარ ჰიცფელდი | ბაიერნი, დორტმუნდი |
| იუპ ჰაინკესი | რეალი, ბაიერნი |
| კარლო ანჩელოტი | რეალი, მილანი |
| ჟოზე მოურინიო | ინტერი, პორტო |
| პეპ გუარდიოლა | ბარსელონა, მან სიტი |
| ლუის ენრიკე | ბარსელონა, პსჟ |
