გერმანული ფეხბურთის ლეგენდა ლოთარ მათეუსი კეინს მხარს უჭერს და ამტკიცებს, რომ ბაიერნის თავდამსხმელი წელს ოქროს ბურთს ყველაზე მეტად იმსახურებს.
65 წლის ლეგენდამ ხაზი გაუსვა კეინის წვლილს ბაიერნის შიდა დომინირებაში და იმ ხარისხს, რომელიც მან მთელი სეზონის განმავლობაში აჩვენა.
"ჩემი აზრით, წელს ჰარი კეინი ოქროს ბურთის მთავარი ფავორიტია, მე არ ვუყურებ მხოლოდ ერთ თამაშს ან მხოლოდ მუნდიალს, ვუყურებ მთელ სეზონს, სადაც კეინი გამორჩეული იყო.
ბევრმა ფეხბურთელმა ბარსელონაში ლა ლიგა მოიგო, შემდეგ კი ესპანეთის ნაკრებში მსოფლიო ჩემპიონატი, მაგრამ მათგან რომელი მოთამაშე დგას კეინზე მაღლა? - თუ ლამინ იამალს იტყვით, არ დაგეთანხმებით", - განაცხადა მათეუსმა.
მოგეხსენებათ, უმეტესი გამოცემების ვერსიით, ოქროს ბურთის ლაივ რეიტინგში პირველ ადგილს სწორედ ბრიტანელი თავდამსხმელი იკავებს.
