მსოფლიო ჩემპიონატის ჯგუფური ეტაპის მეორე ტურის მატჩი საფრანგეთსა და ერაყს შორის შედგა და ფრანგების მარტივი გამარჯვებით 3:0 დასრულდა.
შეხვედრაში ანგარიში კილიან მბაპემ მე-14 წუთზე გახსნა, მბაპემ თავი მეორე ნახევრის სტარტზეც გამოიჩინა, როცა მეტოქის შეცდომით დემბელემ ისარგებლა და კილიანს გაატანინა.
უგოლოდ არც დემბელე დარჩენილა. ოლისეს საგოლე გადაცემით უსმანმა მატჩს საბოლოო წერტილი დაუსვა.
მბაპემ მიროსლავ კლოზეს რეკორდი გაიმეორა და მსოფლიო ჩემპიონატებზე უკვე 16 გოლი აქვს გატანილი, რითიც მხოლოდ ლეო მესის ჩამორჩება (17).
ამ გამარჯვებით საფრანგეეთის ნაკრებმა ჯგუფიდან გასვლა გაინაღდა და ბოლო ტურში ნორვეგიის ნაკრებს დაუპირისპირდება.
საფრანგეთი - ერაყი 3:0
გოლები: მბაპე 14' 54' დემბელე 66'
