სერია ა-ს მეოთხე ტურის ფარგლებში მილანი რომში ლაციოს ესტუმრება. განვიხილოთ, თუ რას უნდა ველოდოთ ამ მატჩისგან.
ლაციო VS მილანი | 20:00
სერია ა-ს სამი ტურის შემდეგ, ორივე გუნდი დაუმარცხებელია - მილანმა იმარჯვა ტორინოსა და ვენეციასთან, შემდეგ კი იუვენტუსთან ფრე ითამაშა. ლაციო საერთოდაც მიდის 3/3 მოგებით: ჯენოასთან, ბოლონიასა და უდინეზესთან. 100%-იანი შედეგი ამ მომენტისთვის კიდევ აქვს მხოლოდ 2 კლუბს: მილანის ინტერსა და "ბიანკოჩელესტეს" მეზობელ რომას.
"არწივების" შემადგენლობიდან აუცილებლად გამოსარჩევია დავიდე ფრატეზი, ვინც ამ დროისთვის უკვე სამი გოლის გატანა მოასწრო. ეს ყველაფერი იმის გათვალისწინებით, რომ იტალიელ შუახაზელს გასულ სეზონში "ნერაძურის" შემადგენლობაში 1 ბურთიც არ გაუტანია...33 შეხვედრა, 0 გოლი.
ჯუზეპე მეაცას ბინადრების საკუთრებაში მყოფი ნახევარმცველის ბოლო ბურთი თარიღდებოდა 2025 წლის 6 მაისით, რომელიც მან გაიტანა ჩემპიონთა ლიგის 1/2 ფინალის საპასუხო შეხვედრაში ბარსელონასთან...სწორედ ის გადამწყვეტი. სტადიო ოლიმპიკოზე გადმოსვლამდე, 26 წლის შუახაზელი 476 დღის მანძილზე ტოვებდა მოედანს მშრალად.
დავუბრუნდეთ დღევანდელ მატჩს, რომელიც "როსონერისა" და ლაციოს ურთიერთდაპირისპირებების ისტორიაში რიგით 196-ე იქნება. 87-ჯერ იმარჯვა "დიავოლომ", 43-ჯერ - რომაულმა კლუბმა, 65 შეხვედრაც ფრედ დასრულდა. უკანასკნელ 5 თამაშში უპირატესობა არის სწორედ "ბიანკოჩელესტეს" მხარეს: 3 მოგება, წაგება და ფრე.
შაბათის მატჩის დღე
| რასინგი - ალავესი | 16:00 | ლა ლიგა 2 |
| ჯენოა - ფროზინონე | 17:00 | სერია ა |
| ლივერპული - ფულჰემი | 18:00 | პრემიერ ლიგა |
| ჩელსი - ჰალი | 18:00 | პრემიერ ლიგა |
| კადისი - ლას პალმასი | 18:15 | ლა ლიგა 2 |
| ლაციო - მილანი | 20:00 | სერია ა |
| კიოლნი - ვერდერი | 20:30 | ბუნდესლიგა |
| დანკირკი - სენტ ეტიენი | 22:00 | ლიგა 2 |
| რეალი - რაიო ვალეკანო | 23:00 | ლა ლიგა |
| სანდერლენდი - არსენალი | 23:00 | პრემიერ ლიგა |
| სოლტ ლეიკი - ნიუ იორკი | 05:30 | MLS |
