დღეს გაიმართება უეფას სუპერთასის შეხვედრა პსჟ-სა და ასტონ ვილას შორის. მატჩი ზალცბურგში, რედ ბულ არენაზე შედგება.
პარიზელებს შანსი აქვთ, რომ ეს ტიტული ზედიზედ მეორედ მოიგონ. მოგეხსენებათ, გასულ წელს მათ ტოტენჰემი საკმაოდ დაძაბულ ბრძოლაში დაამარცხეს.
პსჟ ჩემპიონთა ლიგის გამარჯვებული ზედიზედ მეორედ გახდა. ლუის ენრიკეს გუნდმა ფინალში არსენალს სძლია, ასტონ ვილამ კი ევროპა ლიგის ტიტული მოიგო. როცა ფინალში ფრაიბურგი მარტივად, 3:0 დაამარცხა.
მსოფლიო ჩემპიონატიდან გამომდინარე, პსჟ-ს გვიან შეკრება მოუწია და მათი ძირითადი ბირთვი პირველ შეხვედრას სწორედ დღეს ჩაატარებს, პსჟ-მ მხოლოდ ორი ამხანაგური მატჩი გამართა, მალიორკასთან დამარცხდა, მანჩესტერ იუნაიტედთან კი ფრე ითამაშა.
რაც შეეხება ასტონ ვილას, ბირმინგემელებმა 6 ამხანაგური მატჩის ჩატარება მოასწრეს, საიდანაც 3 მოიგეს, 3 წააგეს. ბოლოს მიუნხენის ბაიერნს შეხვდნენ და 2:1 დამარცხდნენ.
ლუის ენრიკე (პსჟ-ს მთავარი მწვრთნელი): "ჩვენი მიზანია, რომ ყველა ტურნირი მოვიგოთ, სადაც ვთამაშობთ, რადგან ყოველი ტიტულის მოგება ჩვენთვის ისტორიაა და ეს სვლა არ უნდა შევწყვიტოთ. სუპერთასზე რთულ მეტოქეს ვეთამაშებით, ბოლო ორ წელიწადში ასტონ ვილამ დაგვნახა, რამდენად საშიშები არიან ისინი. ბედნიერი ვარ, რომ დავბრუნდით, გუნდი სრულად შეიკრიბა და სრულად მზად ვართ სეზონის პირველი ტიტულის მოსაგებად"
უნაი ემერი (ასტონ ვილას მთავარი მწვრთნელი):"კარგად მახსოვს, პსჟ-სთან ჩატარებული ჩემპიონთა ლიგის მატჩი, სადაც ბევრი ვიბრძოლეთ, მიზნის მიღწევა შეგვეძლო, მაგრამ არ გამოვიდა. ხვალინდელ შეხვედრაში პსჟ ფავორიტია, მაგრამ ეს არაფერს ნიშნავს, რადგან ბრძოლას და არაფრის დათმობას ვაპირებთ. იმის შემდეგ, დიდი დრო გავიდა და განსხვავებული გუნდი ვართ, ბევრად დაღვინებული და პსჟ-სთან სხვა გამოცდილებით ვითამაშებთ"
პსჟ - ასტონ ვილა
უეფას სუპერთასი
12 აგვისტო, 23:00
ავსტრია, ზალცბურგი, რედ ბულ არენა
მთავარი მსაჯი: ომარ არტანი (სომალი)
სავარაუდო შემადგენლობები
