შაბათს, პსჟ-სა და საფრანგეთის ნაკრების მცველის, ლუკას ერნანდესის ქორწილი იყო, სადაც თავი უამრავმა საფეხბურთო ვარსკვლავმა მოიყარა.
მათ შორის იყო ერნანდესის ახლო მეგობარი ხვიჩა კვარაცხელია და პსჟ-ს სხვა ფეხბურთელები, რამდენიმე გამონაკლისის გარდა.
პსჟ-ს ფეხბურთელებთან ერთად იყო მადრიდის რეალის შემტევი კილიან მბაპე. მოგეხსენებათ, მბაპე პსჟ-ს მოთამაშეებთან მეგობრობს და სულ მათთან ერთადაა.
კვარამ და მბაპემ ერთმანეთი ახლოდან გაიცნეს, ისაუბრეს და ფრანგმა ვარსკვლავმა ქართველი შემტევი სოციალურ ქსელებში გამოიწერა.
შეგახსენებთ, რომ კვარაცხელია პსჟ-ს 2025 წლის ზამთარში, 70 მილიონი ევროს სანაცვლოდ შეუერთდა. პარიზში კვარამ სწორედ კილიან მბაპე ჩაანაცვლა.
