რანიერი გუშინ ღამით ლონდონში გაფრინდა, სადაც რომას მფლობელებს, ფრიდკინების ოჯახს შეხვდა. იმის მიუხედავად, რომ იტალიელმა 2023/24 სეზონის დასრულების შემდეგ სამწვრთნელო კარიერა დაასრულა, კლაუდიო როგორც ჩანს მზადაა მისთვის ერთ-ერთ ყველაზე საყვარელ კლუბში, კიდევ ერთხელ დაბრუნდეს და ჩაგდებული სეზონი გადაარჩინოს.
რომამ ივან იურიჩი უიქენდზე გაუშვა — ხორვატის პოზიციაზე დაახლოებით 5-6 მწვრთნელი განიხილებოდა, მათ შორის ფრენკ ლაპმარდი და რუდი გარსია, თუმცა როგორც ჩანს უფროსობამ არჩევანი გამოცდილ და მათთვის ნაცნობ კადრზე შეაჩერა.
რანიერის რომაში ორჯერ უკვე უმუშავია, კერძოდ 2009-დან 2011 წლამდე და 2018/2019 სეზონის მიწურულს. ახლა კი იტალიელი "ჯალოროსიში" მესამედ დაბრუნებასთანაა ახლოს. ბოლო მომენტში მხარეებს შორის რამე თუ არ შეიცვალა, რომა ახალ მთავარ მწვრთნელს უახლოეს 48 საათში წარადგენს.
