ჯასტინ გეიჯის მენეჯერმა, ალი აბდელაზიზმა თავისი კლიენტის შემდეგ მეტოქესა და ბრძოლაზე ისაუბრა. მისი თქმით, ეს არ იქნება ისეთი მოწინააღმდეგე, რომელსაც ამერიკელი მსუბუქწონოსანი აქამდე შეხვედრილა. აქედან გამომდინარე, შეგვიძლია დავასკვნათ, ილია თოფურიასა და "ჰაილაითის" რემატჩი ჯერ გეგმაშიც არაა.
"ჩემპიონს შემდეგი ბრძოლა ექნება ისეთ მეტოქესთან, ვისთანაც მას არასდროს უჩხუბია. ძალიან მიხარია, რომ ეს დაპირისპირება შედგება", - წერს ეგვიპტელი პრომოუტერი თავის სოციალურ ქსელში. 70 კილოგრამ წონითი დივიზიონის ტოპ 5-ს თუ ჩავხედავთ, აღმოვაჩენთ, 37 წლის მსუბუქწონოსანს 5-დან 4 მებრძოლთან ჩხუბი უკვე ჰქონია.
საუბარია თოფურიას (გამარჯვება), ჰოლოუეის (მარცხი), ოლივეირასა (მარცხი) და პიმბლეტის (გამარჯვება) შესახებ. რჩება ერთადერთი ვარიანტი - არმან ცარუკიანი. 70 კილოგრამ წონითი დივიზიონის ტოპ 15-ში ქამრის მფლობელ გეიჯისა და ქართველი მებრძოლის შემდეგ სწორედ ის მოდის.
