ვეტერანმა მებრძოლმა, დასტინ პორიემ UFC-ში დაბრუნება არ გამორიცხა. შეგახსენებთ, რომ მაქს ჰოლოუეისთან მარცხის შემდეგ, მან გადაწყვიტა კარიერის დასრულება, მაგრამ თავად ამერიკელი მსუბუქწონოსნის თქმით, მისი კონტრაქტი ჯერ კიდევ აქტიურია.
"UFC-სთან ჯერ კიდევ მაკავშირებს კონტრაქტი. თუ შემომთავაზებენ ისეთ ბრძოლას, რომელიც დამაინტერესებს, აუცილებლად დავთანხმდები. თუნდაც მაკგრეგორი, დიაზი ან შეიძლება გეიჯიც, ჩვენს შორის ხომ 1:1-ია. ამ ისტორიას დასრულება სჭირდება".
"მარგალიტი" ასევე კონორის დაბრუნებასაც შეეხო - "მხოლოდ მას შეუძლია ყველაფრის დაკარგვიდან ხუთი წლის შემდეგ დაბრუნება და ისევ მწვერვალზე ასვლა. მაკგრეგორი განსაკუთრებულია", - განაცხადა 37 წლის მსუბუქწონოსანმა.
