პატრიმ ვიეირამ დაასახელა რამდენიმე მიზეზი, რითაც არსენალს პარის სენ-ჟერმენის დამარცხება შეუძლია. ვეტერანმა ფეხბურთელმა გამოარჩია ლონდონელთა თამაში უკანახაზში, ფეხბურთელთა ფიზიკური სიძლიერე და რა თქმა უნდა, სტანდარტები. შეგახსენებთ, ფინალი ჩვენი დროით 20:00 საათზე დაიწყება.
"არსენალი ბრწყინვალედ თამაშობს დაცვაში. მათ შეუძლიათ და უყვართ კიდეც უკანახაზში დიდხანს ყოფნა. ამ ყველაფერს დაუმატეთ რამდენიმე ტექნიკური მოთამაშე შუახაზში. დიახ, დემბელე-კვარაცხელია-დუეს ტრიო არის ძალიან სწრაფი, მაგრამ ლონდონელები მათ ფიზიკურ სიძლიერეს დაუპირისპირებენ.
ბოლოს კი მთავარი - სტანდარტებზე თამაში, რაც "მეთოფეების" ყველაზე ძლიერი იარაღია. დიახ, არსებობს იმის საშიშროება, რომ პარის სენ-ჟერმენს არტეტას შეგირდებისგან სერიოზული პრობლემები შეექმნას. საინტერესო დუელი იქნება", - განაცხადა ფრანგმა ექს-შუახაზელმა.
