ერთ-ერთი ყველა ცნობილი და გავლენიანი გამოცემა "The Times" საინტერესო მასალას გვთავაზობს, სადაც საუბარი ძმებ ფეხბურთელებზეა და აქცენტი ხვიჩა და თორნიკე კვარაცხელიებზეა გაკეთებული:
უეფას საკლუბო ტურნირებზე მისი პირველი თამაშიდან 10 წუთის შემდეგ, დეჟა ვუ იგრძნობა. მოზარდი ბიჭი ბურთს მარცხენა ფლანგზე იღებს, მარჯვენა ტერფით ამუშავებს და როდესაც აჩქარებას იწყებს, მარჯვენა ხელს საჭესავით სწევს, რათა წონასწორობა შეინარჩუნოს. შეიჭრება ჟალგირისის საჯარიმოში, ჩამოიტოვებს ერთ მცველს, მეორეს, მესამეს და როცა უკან მოტოვებული მცველები მაისურის უკანა მხარეს შეხედავენ, მისი გრძელი გვარი მხედრული ანბანითაა დაწერილი. ეს კვარაცხელიაა.
მიუხედავად იმისა, რომ დინამო თბილისმა სამბურთიანი უპირატესობა ბოლო წუთებზე გაანიავა, ეს ევროტურნირები თორნიკე კვარაცხელიასთვის მაინც გამორჩეული იყო. ახალგაზრდა კვარაცხელია ევროპული სცენის გარე კიდეებზე თამაშობდა. შესაძლოა ბოლო 18 თვის განმავლობაში არცერთ ფეხბურთელს არ გაუნათებია ისე საინტერესოდ, როგორც მის ძმას, ხვიჩას, რომელიც ზედიზედ ორჯერ გახდა ჩემპიონთა ლიგის გამარჯვებული პარი სენ-ჟერმენთან ერთად.
"თორნიკე ჯერ მხოლოდ 16 წლისაა და საოცრად ვითარდება. ის ბევრს შრომობს და იმედი მაქვს, ყველა მოლოდინს გაამართლებს", - განაცხადა დინამო თბილისის მთავარმა მწვრთნელმა თემურ ქეცბაიამ.
თორნიკემ უკვე გაუსწრო იმ ასაკს, როცა მისი 9 წლით უფროსი ძმა ხვიჩა ყაზანის. მოსკოვის და ნეაპოლის სტადიონებზე დარბოდა. ნაპოლიში მას ზედმეტსახელიც შეარქვეს - "კვარადონა." "პატარა კვარადონასთვის" ჯერ ნაადრევი პერიოდია, თუმცა ქეცბაიას გარდა, კიდევ ბევრი ვარაუდობს, შესაძლოა, უფრო მაღალ დონეზე ავიდეს, ვიდრე ხვიჩა. უგო მარადონა, დიეგო მარადონას უმცროსი ძმა ასევე წარმატებული ფეხბურთელი იყო და მისი გვარი ისეთი მიმზიდველი იყო, რომ ევროპული კლუბებისთვის საკმაოდ მოთხოვნადი ფეხბურთელი გახდა.
„შენ ცას შეეხე, ჩვენი სახელი მარადისობაში წაიღე. აღფრთოვანებული ვარ შენით, მიყვარხარ, მსოფლიო ჩემპიონო“. - ეს ინიაკი უილიამსის სიტყვებია, როცა მისი 8 წლით უმცროსი ძმა, ნიკო უილიამსი ესპანეთის ნაკრებთან ერთად მსოფლიო ჩემპიონი გახდა. ინიაკი განის ნაკრებში თამაშობს, მაგრამ ყოველთვის ამაყობს თავისი ძმის მიღწევებით, რომელიც მას ესპანეთის ნაკრებთან ერთად აქვს.
ლიონისთვის პრივილეგია არ არსებობს, თუმცა ნიჭიერი უმცროსი ძმის მოსალოდნელი გამოჩენა გარკვეულ კომპენსაციას გვპირდება იმ იმედგაცრუებისთვის, რომელიც კლუბმა 12 თვის წინ განიცადა, რაიან ჩერკის სახით. ედენ ჩერკი ჯერ მხოლოდ 14 წლისაა და ლიონის აკადემიაში თამაშობს, ის უკვე ავლენს თავის შესაძლებლობებს, ტექნიკას და მოქნილობას, რომელიც მის უფროს ძმას უმაღლეს დონეზე აქვს დამუშავებული. რაიანი მანჩესტერ სიტის და საფრანგეთის ნაკრების ფეხბურთელია.
როცა ჯუდ ბელინგემი დორტმუნდიდან რეალ მადრიდში 100 მილიონზე მეტი ფუნტის სანაცვლოდ გადავიდა, ყვითლების მაისური მისმა ძმამ, ჯობ ბელინგემმა მოირგო. ჯობმა დორტმუდის მაისურით სეზონი სრულად ჩაატარა და ახლა ახალი სეზონისთვის ემზადება. კლუბი არ ერიდება „ბელინგემის“ გვარის უფრო ფართო ბრენდის მაქსიმალურად გამოყენებას, რათა ახალგაზრდა ნიჭიერი მოთამაშეების იმიჯის პოპულარიზაცია მოახდინოს.
ზოგჯერ, წინაპრის ჩრდილი შეიძლება წარმოუდგენლად გრძელი ჩანდეს. რამდენიმე წლის წინ, მილანელოში, მილანის სავარჯიშო ბაზაზე ვიზიტი შეიძლება წამიერად დამაბნეველი ყოფილიყო, თუ შემთხვევით ამ კლუბის ვარსკვლავის მსგავსი სახის ნაკვთებით ახალგაზრდა ბიჭი გაივლიდა. თუ კარგად დაფიქრდებოდით, მიხვდებოდით, რომ ეს სინამდვილეში დიგაო იყო, ბრაზილიელი ცენტრალური მცველი, რომლის კარიერაც, რბილად რომ ვთქვათ, ახლოსაც არ მისულა მისი ძმის, რიკარდო კაკას კარიერასთან.
დიგაო ბავშვობაში სახელ რიკარდოს ვერ ამბობდა და თავის ძმას შემოკლებით "კაკას" ეძახდა, ასე შეერქვა მილანის ლეგენდას ეს სახელი. როგორც ჩანს, დიგაოს მილანთან კავშირი მხოლოდ მისი ძმის თანამგზავრის როლს ასრულებდა. 6 წელი გავიდა და მის შესახებ ვერაფერი გავიგეთ. ერთმა იტალიურმა გაზეთმა ხუმრობით დაწერა: „ყველაზე აღსანიშნი რამ, რაც დიგაომ ოდესმე გააკეთა მილანისთვის, იყო კაკასთვის სახელის დარქმევა."
ტორგან აზარი მალე ჩამოშორდა თავისი უფროსი ძმის გზას, როცა ისინი ერთად მივიდნენ ჩელსიში. ტორგანის კარიერა სხვაგვარად განვითარდა, გერმანული და ნიდერლანდური მოგზაურობის შემდეგ, ის ფრანგულ ლანსში გადავიდა. 33 წლის ტორგანმა უკვე გადაასწრო თავის ძმას, რომელმაც კარიერა სულ რაღაც 32 წლის ასაკში დაასრულა. მიუხედავად ამისა, მას არასდროს ჰქონია ედენის მსგავსი აღმასვლა.
