მილანის ინტერისა და ბარსელონას ნახევარფინალური დაპირისპირების შემდეგ (4:3), კომენტარი გააკეთა სტუმართა მთავარმა მწვრთნელმა, ჰანსი ფლიკმა. შეგახსენებთ, რომ კატალონიელები თავდაპირველად აგებდნენ 0:2-ს, მე-2 ნახევრის ბოლოსთვის კი მათ სასარგებლოდ უკვე იყო 3:2, მაგრამ მოგებული საბოლოოდ მაინც "ნერაძური" გამოვიდა.
"ყველანი იმედგაცრუებულები ვართ. ძალიან დიდი შრომა ჩავდეთ ამ დაპირისპირებაში. პირადად, ვამაყობ ბარსელონათი, რომელმაც მიზნის მისაღწევად ყველაფერი გაიღო. შემდეგ სეზონში დავბრუდებით, რომ ჩემპიონთა ლიგა მოვიგოთ. ისეთი ატმოსფერო იყო თამაშზე, რომ სულ გინდა ამის მონაწილე იყო.
გინდა, რომ დაბრუნდე. ახლა უნდა მივიღოთ ეს შედეგი, რომელიც ჩვენთვის მტკივნეულია. ჩემი მისია არის, რომ კატალონიური გუნდი სულ უფრო და კარგი გახდეს, უნდა მოვუმატოთ დაცვაში, მაგრამ, ასევე - შეტევაშიც. ინტერნაციონალე? საოცარი მეტოქეა, ფინალში წარმატებას ვუსურვებ", - განაცხადა გერმანელმა დამრიგებელმა.
