ჩემპიონთა ლიგის მეორე ტურის კიდევ ორი მატჩი გაიმართა ბელგიასა და აზერბაიჯანში, სადაც მაყურებელმა უნიონ სენ ჟილი-ნიუკასლისა და ყარაბაღი-კოპენჰაგენის დაპირისპირებები იხილა.
საკმაოდ სუსტი მეტოქის ფონზე, ნიუკასლი ამ შეხვედრას ფავორიტის სტატუსით შეხვდა. პირველ ტურში განცდილი მარცხის შემდეგ, ედი ჰაუს გუნდს აუცილებლად გამარჯვება ესაჭიროებოდა.
თამამად შეგვიძლია იმის თქმა, რომ სტუმრებმა მასპინძლებს ყველა კომპონენტში აჯობეს და საკმაოდ მარტივი 3 ქულაც მოიპოვეს.
უნიონ სენ ჟილი 0-4 ნიუკასლი
გოლები: 0-1 ნიკ ვოლტემადე 17', 0-2 ენტონი გორდონი (პენ.) 43', 0-3 ენტონი გორდონი (პენ.) 64', 0-4 ჰარვი ბარნსი 80'
რაც შეეხება მეორე მატჩს, ყარაბაღმა კოპენჰაგენს საკმაოდ დაძაბულ ბრძოლაში სძლია და უმნიშვნელოვანესი 3 ქულა მოიპოვა. მასპინძლებმა მეტოქე საბოლოო ჯამში 2-0 დაამარცხეს.
ყარაბაღს ორი ტურის შემდეგ 6 ქულა აქვს და უდანაკარგოდ წინ მიიწევს.
