თუმცა სხავდასხვა ფაქტორების გამო, ბასილაშვილის კარიერა დაღმასვლისკენ წავიდა. ისეთი დაღმასვლისკენ, რომ ნიკოლოზი ცოტახნით ჩოგბურთს საერთოდ არ თამაშობდა, შემდეგ კი დაბალი რანგის ტურნირებზე გამოდიოდა.
2024 წელი ბასილაშვილმა ფორმის აღსადგენად გამოიყენა, ითამაშა რამდენიმე ჩელენჯერის ტურნირი, ზოგი თამაში მოიგო, ზოგიც დათმო, რის შედეგადაც, ამჟამად რეიტინგში 206-ე ადგილზეა.
ხანგრძლივის პაუზის შემდეგ კი ბასილაშვილი დიდი სლემის ტურნირზე ბრუნდება და იანვარში ავსტრალიის ღია პირველობაზე მიიღებს მონაწილეობას. ის გათამაშებაში კვალიფიკაციიდან ჩაერთვება. მას 3 ეტაპის გავლა მოუწევს, რათა ერთ-ერთი ყველაზე პრესტიჟული ტურნირის ძირითად ბადეში მოხვდეს. ავსტრალიის ღია პირველობა 12 იანვრიდან იწყება, ბასილაშვილი თამაშს 6 იანვრიდან დაიწყებს.
2025 წელი 32 წლის ჩოგბურთელისთვის ბოლო შანსია, რათა კარიერა მოიბრუნოს და კვლავ ბრწყინვალე შედეგები დააფიქსიროს. ავსტრალიის ღია პირველობა კი მისი ახალი გამოწვევის პირველი ნაბიჯები იქნება.
