"ჩვენ ზუსტად ვიცით როგორი ფეხბურთელები გვჭირდება და სატრანსფერო პოლიტიკასაც სწორად ვგეგმავთ. კარგად ვიცით ისეთი ფეხბურთელების არჩევა, რომლებსაც მომავალში სატრანსფერო ღირებულება მოემატებათ.
კვარაცხელია? ფეხბურთელები, რომლებიც ჩვენთან არიან, ნაპოლიში დარჩებიან მანამ, სანამ ჩვენ გვინდა. არასდროს არ ყოფილა ფეხბურთელების გაყიდვა ნაპოლის პრობლემა, ჩვენ ეს წარსულში არაერთხელ დავამტკიცეთ. ჩვენ ყოველთვის პატივს ვცემდით და ახლაც ვცემთ იმას, რაც მოთამაშეებს სურთ და სანაცვლოდ, იმავეს მოვითხოვთ — მოთამაშეებმა პატივი უნდა სცენ ჩვენს გადაწყვეტილებებსაც."
ნაპოლი და ხვიჩა კვარაცხელიას წარმომადგენლები ახალ ხელშეკრულებაზე მუშაობას აგრძელებენ. როგორც ჩვენთვის არის ცნობილი, "პარტენოპეი" ქართველ ფეხბურთელს ხელფასის სახით €6 მილიონსა და კონტრაქტის 2029 წლამდე გახანგრძლივებას სთავაზობს.
იხილეთ ჩვენი პოდკასტის მორიგი ეპიზოდი
