ტრანსფერი დაიხურა, ბრედლი ბარკოლა პარი სენ-ჟერმენიდან კარიერას ლივერპულში გააგრძელებს! მხარეებს შორის ყველაფერი შეთანხმებულია, ფრანგ ფეხბურთელს ახალ კლუბში ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს.
ლივერპული ბარკოლას სანაცვლოდ დაახლოებით €140 მილიონს გადაიხდის, ფრანგი ფეხბურთელი კი ახალ კლუბთან 5-წლიან კონტრაქტს გააფორმებს.
იმის მიუხედავად, რომ საქმეში ჩელსი, არსენალი და ბაიერნიც იყვნენ, ბარკოლას კარიერის გაგრძელება მხოლოდ ლივერპულში სურდა. თუ ბოლო მომენტში რაიმე გაუთვალისწინებელი არ მოხდა, მერსისაიდული კლუბი 23 წლის ფეხბურთელის ტრანსფერს უახლოეს საათებში ოფიციალურად დაადასტურებს.
