სულ რამდენიმე საათი გავიდა მას შემდეგ, რაც ბრაიტონმა ინგლისის ლიგის თასზე საოცარი ქამბექი შემოგვთავაზა და ოლდ ტრაფორდზე მანჩესტერ იუნაიტედი 3:2 დაამარცხა.
მიუხედავად იმისა, რომ კერიკის გუნდი 2:0 იგებდა, "თოლიებმა" მოახერხეს და მეტოქეს 3 გოლი გაუტანეს, რითაც მომდევნო ეტაპის საგზური სრულიად დამსახურებულად მოიპოვეს.
მატჩის დასრულების შემდეგ, კრიტიკის ქარცეცხლში გაეხვა მანჩესტერ იუნაიტედი, თუმცა ყველაზე მეტი კრიტიკა მაინც მთავარ მწვრთნელს, კერიკს, შეხვდა.
"დღევანდელი მარცხი მიუღებელია. პასუხისმგებლობას რა თქმა უნდა საკუთარ თავზე ვიღებ.
ის რაც, გუნდმა მეორე ტაიმში აჩვენა, თავიდან ბოლომდე ჩემი პასუხისმგებლობაა.“
კერიკმა გუშინდელი მარცხი საკუთარ თავზე აიღო, თუმცა, როდემდე გაგრძელდება ასე? ბრიტანულ პრესაში ამ კითხვას უკვე უფრო და უფრო ხშირად სვამენ.
მანჩესტერ იუნაიტედმა მიმდინარე სეზონში მხოლოდ ორი მატჩის მოგება მოახერხა. "წითელმა ეშმაკებმა" პრემიერ ლიგაში იფსვიჩი დაამარცხეს, ხოლო ჩემპიონთა ლიგაზე საბაჰს სძლიეს. როგორც იწერება, კლუბში გუნდის პერფორმანსით კმაყოფილი არავინაა და თუ სიტუაცია უახლოეს პერიოდში არ შეიცვლება, დიდი შანსია, მაიკლ კერიკმა მანჩესტერ იუნაიტედი დატოვოს.
