მადრიდის რეალი მიმდინარე სეზონის დასრულების შემდეგ, კარლო ანჩელოტის დაემშვიდობება. ლეგენდარულ დამრიგებელს აქვს კარიერის გაგრძელების 2 ვარიანტი: ბრაზილიის ეროვნული გუნდი ან საუდის არაბეთის რომელიმე კლუბი. იტალიელი სპეციალისტის მომავალი უახლოეს პერიოდში გაირკვევა.
"სამეფო კლუბის" მწვრთნელი ევროპას ტოვებს არაერთი გამორჩეული რეკორდით, რომელიც პირველ რიგში ჩემპიონთა ლიგას უკავშირდება. 65 წლის სპეციალისტმა ევროპის მთავარი საკლუბო ტურნირი მოიგო 5-ჯერ, რაც დამრიგებლებს შორის საუკეთესო მიღწევა არის. 3 ტიტული ანჩელოტიმ მოიპოვა ბერნაბეუზე, 2 კი მილანთან.
საინტერესოა, შეძლებს, თუ არა რომელიმე მწვრთნელი მომავალში იტალიელი დამრიგებლის მიღწევის დაჩრდილვას. ცხადია, თეორიულად, ეს შეუძლია ნებისმიერ სპეციალისტს, მაგრამ ყველაზე რეალური ვარიანტი ამ მომენტისთვის არის ორი: პეპ გუარდიოლა და ზინედინ ზიდანი. ესპანელ და ფრანგ ტაქტიკოსებს ლიგა 3-ჯერ აქვთ მოგებული.
როგორც ვხედავთ, სამწვრთნელო კარიერის დასრულებამდე, მანჩესტერ სიტის ამჟამინდელ დამრიგებელსა და რეალის ყოფილ მწვრთნელს სჭირდებათ კიდევ 3 ტურნირის მოგება, იმისთვის, რომ კარლო პირველი პოზიციიდან ჩამოაქვეითონ.
მწვრთნელები ჩემპიონთა ლიგის ყველაზე მეტი ტიტულით
| მწვრთნელი | ტიტულების რაოდენობა |
| კარლო ანჩელოტი | 5 |
| ბობ პეისლი | 3 |
| პეპ გუარდიოლა | 3 |
| ზინედინ ზიდანი | 3 |
