31 წლის ქართველმა მოფარიკავემ სოციალურ ქსელში მიმართვა გაავრცელა და აღნიშნა, რომ მსაჯების უსამართლო გადაწყვეტილებით უკვე მეორედ წააგო ოლიმპიადაზე. გთავაზობთ სანდრო ბაზაძის განცხადებას უცვლელად.
"პირველ რიგში იმით დავიწყებ! მადლობა თითოეულ ქართველს, ეს რა მაგარი ერი ვართ, როგორ დამიდექით გვერდში და სულ გვერდში ხართ!!! არ მინდა ძალიან დიდი სტატუსი გამოვიდეს მაგრამ ვისაც მოგინდებათ წაიკითხავთ!!! მიყვარხარ საქართველო და ქართველო ხალხო!!!! მე თქვენთვის სულ ვლოცულობ!!!"
"დღეს რაც მოხდა, ეს უკვე განმეორდა, თითქოს დეჟავუ იყო… ყველგან ამას ვამბობდი: მსაჯი თუ წესიერი იქნება, მე ოლიმპიადას აუცილებლად მოვიგებთქო…. რატომ ვიძახდი ამას და რატომ მინდა, რომ ამაზე გავამახვილო ყურადღება. ეს არის სპორტი, სადაც უკვე წლებია განუკითხაობაა და საშინელებები ხდება... იმ დონემდე მიმიყვანეს რომ შემზიზღდეს ის სპორტი, რომელშიც 17 წელია ვარ! ჩემს ნახევარ ცხოვრებაზე მეტი!!! როდესაც ამ სპორტში მოღვაწეობა დავიწყე დამიჯერეთ რომ ეს სპორტი არ არსებობდა საერთოდ… და მერაბ ბაზაძემ შეძლო და დააბრუნა და თავისი განათლებით და უნარით აღზარდა უამრავი მაგარი სპორტსმენი!!!"
"დღეს კიდევ იმის შემსწრე გავხდი რომ აქ სამართალი არ არსებობს…. საქართველო არის სამართლიანი ქვეყანა და მე მიყვარს ჩემი ქვეყანა! მადლობა მინდა გადაგიხადოთ, მიყვარხართ თითოეული ქართველი! ოლიმპიური ჩემპიონობა ჩემი მიზანი იყო ამ სპორტში პირველივე დღიდან, მაგრამ არ მაძლევენ ამის საშუალებას ეს გარეწრები!!! მე ტყუილს არ ვლაპარაკობ, 2 შვილი მყავს და არ მინდა მათ მატყუარა მამა ჰყავდეთ!"
"მერაბ ბაზაძე გმირია! 1 ხმალი გვქონდა და როცა ის გატყდა, ხიდან ჯოხი მოწყვიტა და ისე გვავარჯიშებდა, ფეხზე არაფერი არ გვეცვა, აი ესე გავხდი მე მსოფლიოში პირველი ნომერი! მაგრამ შეშურდა მთელ მსოფლიოს როგორც ჩანს… მე მადლიერი ვარ ღმერთის რაც გამაჩნია, რომ ვარ ქართველი და მიყვარს თითოეული ქართველი იმიტომ, რომ ჩვენ ნამდვილი ადამიანები ვართ !!!! მადლობა თქვენ და მე არ დავანებებ თავს იმის მიუხედავად, რომ ძალიან იმედგაცრუებული ვარ და გულგატეხილი… საქართველო არის ყველაზე მაგარი ქვეყანა! ჩვენ გაგვიმარჯოს და წარმატება თითოეულ ქართველს ოლიმპიურ თამაშებზე!"
