ბოლო პერიოდში, აქტიურად იწერება, რომ ნაპოლის ზაფხულში დონეცკის შახტარის ერთ-ერთი მთავარი ლიდერის, გეორგი სუდაკოვის შეძენა სურს.
ამასთან დაკავშირებით, 22 წლის უკრაინელ ფეხბურთელს ჰკითხეს, რაზეც სუდაკოვმა საინტერესო კომენტარი გააკეთა.
"დიახ, ნაპოლის ინტერესის შესახებ გავიგე და ეს ჩემთვის დიდი პატივია. როცა ასეთი კლუბი შენს მიმართ ინტერესს გამოხატავს, ესეიგი, შრომას და კარგად თამაშს შედეგი მოაქვს, რაც მახარებს. ჩვენ ვსაუბრობთ იტალიაზე, სადაც ტაქტიკურად ძლიერი და მაღალი დონის ნახევარმცველები თამაშობენ.
სიმართლე გითხრათ, კონტესთან კომუნიკაცია არ მქონია, თუმცა მისნაირ მწვრთნელთან მუშაობა დიდი გამოწვევა იქნებოდა. ასეთ შემთხვევაში, ყოველთვის სიმშვიდეს ვინარჩუნებ ხოლმე და ჩემი მიზანია, რომ კარგი მატჩები იმ გუნდის მაისურით ჩავატარო, სადაც ამჟამად ვთამაშობ"
სუდაკოვი შახტარის აღზრდილია. მიმდინარე სეზონში მის ანგარიშზე 11 გოლი და 4 საგოგლე გადაცემაა. ნაპოლი მის ყიდვას ამ სეზონის დასრულებისთანავე შეეცდება.
