როგორც მოგეხსენებათ, ბირმინგემის ასტონ ვილასთან მარცხის შემდეგ, ლივერპულის შემტევმა, მოჰამედ სალაჰმა სოციალურ ქსელში გამოაქვეყნა პოსტი, რომელშიც ბევრმა არნე სლოტის მისამართით კრიტიკა ამოიკითხა. ეგვიპტელი ვინგერი აღნიშნულის გამო ჯეიმი კარაგერმა გააკრიტიკა.
"არ გამკვირვებია სალაჰისგან მსგავსი, მეტსაც გეტყვით, სეზონის ბოლომდე კიდევ რაღაც მოხდება. დიახ, ის კიდევ ერთ ბომბს ისვრის. ეს ყველაფერი მაგონებს სიტუაციას, როცა რონალდუ ტოვებდა იუნაიტედს: ინტერვიუ, კრიტიკული კომენტარები და ა.შ. ეგოისტურად მოიქცა და ახლა იგივეს მოც აკეთებს", - განაცხადა ინგლისელმა ყოფილმა უკანახაზელმა.
ეგვიპტელი შემტევი გააკრიტიკა უეინ რუნიმაც, ვინც ნიდერლანდელ მწვრთნელს მისი დასჯა შესთავაზა. ვეტერანი ფეხბურთელის თქმით, მერსისაიდელთა თავკაცმა სეზონის უკანასკნელ შეხვედრაზე გუნდის მთავარი ვარსკვლავი სათადარიგოთა სკამზე უნდა დატოვოს.
