ბრაის მიტჩელმა შეაფასა ილია თოფურიას მარცხი ჯასტინ გეიჯისთან. მისი თქმით, ორი დივიზიონის ყოფილი ჩემპიონი ქედმაღლობამ დაღუპა. შეგახსენებთ, კარიერაში პირველი წაგება ამერიკელ მებრძოლს სწორედ ქართველმა მოწინააღმდეგემ აგემა.
"თოფურიას წაგება გეიჯისთან? ის ქედმაღლობამ დაღუპა. მეც ასე ვიყავი, როდესაც ბრძოლა მის წინააღმდეგ მომიწია. ცუდად ვიყავი, თუმცა მეც აღმოვჩნდი ზედმეტად ქედმაღალი იმისთვის, რომ ილიასთან ჩხუბზე უარი მეთქვა. იმ დროს ვიყავი წაუგებელი და ვფიქრობდი: მასთან არ დავმარცხდები.
შევცდი და ეს ყველაფერი გავაცნობიერე გვიან, მეორე რაუნდში, როდესაც ჩემი საქმე უკვე წასული იყო. გავიდა დრო და იგივე "ელ მატადორმაც" გამოსცადა. შეცდა მაშინ, როცა ჩათვალა რომ ჯასტინი ვერაფერს დააკლებდა", - განაცხადა არკანზასელმა მებრძოლმა.
