2024 წლის პარიზის ოლიმპიური თამაშების მე-14 დღეს, საქართველოს ღირსებას ერთი სპორტსმენი დაიცავს — თავისუფალი სტილით მოჭიდავე გენო პეტრიაშვილი.
30 წლის ქართველი ქართველი მოჭიდავე ოლიმპიადაზე მესამედ იასპარეზებს და მესამე მედლის მოგებას შეეცდება. 2016 წელს რიოში გენომ ბრინჯაოს, ხოლო 2021 წელს ტოკიოში ვერცხლის მედალი მოიპოვა.
ორი ოლიმპიური მედლის გარდა, გენო პეტრიაშვილს მსოფლიოს და ევროპის ჩემპიონატების არაერთი მედალი უმაგრებს ზურგს — 2017, 2018 და 2019 წლებში ის ზედიზედ სამჯერ გახდა მსოფლიო ჩემპიონი, ხოლო 2016 და 2020 წლებში ევროპის ჩემპიონის ტიტულსა დაეუფლა. მის ანგარიშზე ასევე არის მსოფლიო ჩემპიონატის 2 ვერცხლი და 3 ბრინჯაოს და ევროპის ჩემპიონატის 5 ვერცხლი და 3 ბრინჯაო.
პარიზის ოლიმპიადაზე, თავისუფალი სტილით ჭიდაობის 125 კგ წონითი კატეგორიის პირველ ორთაბრძოლაში ქართველი ფალავანი უკრაინელ იური იძინსკის დაუპირისპირდება და წარმატების შემთხვევაში, 1/4 ფინალში გავა, სადაც პოლონელ ბარანს და ყაზახ ბატირმულზაევს შორის გამარჯვებულს შეხვდება.
წინასწარი ორთაბრძოლები დღეს, თბილისის დროით 13 საათსა და 30 წუთზე დაიწყება.
პარიზი 2024, XIV დღე — გენო პეტრიაშვილი მესამე ოლიმპიურ მედალს შეუტევს
