2024 წლის პარიზის ოლიმპიური თამაშების მე-9 დღეს, საქართველოს ღირსებას ერთი სპორტსმენი დაიცავს — მოკრივე ლაშა გურული.
ლაშა გურულმა ოლიმპიადაზე ასპარეზობა 1/8 ფინალიდან დაიწყო, სადაც აზერბაიჯანელი ჰასანოვი დაამარცხა და შემდეგ ეტაპზე გავიდა. 1/4 ფინალში კი, ქართველმა მოკრივემ ყაზახ ბაზარბაულს მოუგო და მედალი გაინაღდა.
პარიზის ოლიმპიური თამაშების 1/2 ფინალში 27 წლის ქართველი მოკრივე კუბელ ალვარესს დაუპირისპირდება, რომელმაც სამი მეტოქე დაამარცხა — პაპუა ახალი გვინეელი უმე, ალჟირელი აიტ ბეკა და ტაილანდელი სანსირი.
კრივის 63,5 კგ. წონითი კატეგორიის 1/2 ფინალი, სადაც ერთმანეთს ლაშა გურული და ერისლანდი ალვარესი დაუპირისპირდებიან, თბილისის დროით 19:00 საათზე დაიწყება.
პარიზი 2024, IX დღე — ლაშა გურული ოლიმპიადის ფინალისთვის იბრძოლებს
