მას შემდეგ რაც გუნდი მატიას სოულემ დატოვა, ტიაგო მოტა ახალ შემტევს ეძებდა და გონსალესი ერთ-ერთი მთავარი სამიზნე იყო, თუმცა იუვე ამაზე გაჩერებას არ აპირებს. "ბიანკონერი", მინიმუმ, ერთ შემტევს კიდევ დაიმატებს — სიაში ჯეიდონ სანჩო და ჩიკო კონსეისაო არიან.
გონსალესი ფიორენტინას ღირსებას 2021 წლიდან მოყოლებული იცავდა, რა დროშიც ფეხბურთელმა 125 მატჩში მიიღო მონაწილეობა, 38 გოლი გაიტანა და 19 საგოლე გადაცემითაც გამოირჩა. ახლა კი ნიკო ახალი გამოწვევისთვის ემზადება, ფეხბურთელს ტურინში სამედიცინო შემოწმების გასავლელად უკვე ელოდებიან.
