შეთანხმება შედგა, მოიზე კინი ფიორენტინადან კარიერას კომოში გააგრძელებს! იტალიელ ფეხბურთელს ახალ კლუბში უკვე ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს.
კომო იტალიელი ფორვარდის სანაცვლოდ დაახლოებით €40 მილიონს გადაიხდის, კინი კი 5-წლიან კონტრაქტს გააფორმებს.
მას შემდეგ, რაც კომო ჩემპიონთა ლიგაზე გავიდა, სესკ ფაბრეგასმა ახალი ფორვარდის დამატება მოითხოვა. განიხილებოდა რამდენიმე ვარიანტი, თუმცა ესპანელი სპეციალისტისთვის კინი ყოველთვის #1 სამიზნე იყო. მიუხედავად იმისა, რომ ფიორენტინას 26 წლის ფეხბურთელის გაყიდვა არ სურდა, კომომ ტრანსფერი მაინც დახურა.
