გიგა ჭიკაძის მომავალი მეტოქე ვინისიუს ოლივეირა იქნება. ბრძოლა შედგება 20 ივნისს დაგეგმილ Fight Night-ზე, ლას ვეგასში. ამ ივენთის მთავარ დუელში მანელ კაპე დაუპირისპირდება კიოჯი ჰორიგუჩის, ქართველი და ბრაზილიელი მებრძოლების ჩხუბი კი მეინ ქარდს გახსნის.
რა უნდა ვიცოდეთ "ნინძას" მეტოქის შესახებ? "ლოკდოგი" MMA-ში 2015 წლიდანაა, მის ანგარიშზე 23 გამარჯვება და 4 მარცხი არის. უშუალოდ მსოფლიოს მთავარ პრომოუშენში კი ოლივეირა გამოდის 2024 წლიდან: 4 მოგება და 1 წაგება. მან დაამარცხა რიკი სიმონი, კაილერ ფილიპსი, საიდ ნურმაგომედოვი და ბენარდო სოპაი.
რაც შეეხება მარცხს, ბრაზილიელ მებრძოლს საბმიშენით აჯობა მარიო ბაუტისტამ, მიმდინარე წლის თებერვალში. ბოლოს კი მის საბრძოლო სტილზეც ვისაუბროთ: 16 ჩხუბი მან მოიგო ნოკაუტით, 5 - გადაწყვეტილებით, 3 კი საბმიშენით. აქვე დავამატებთ, ვინისიუსი აქამდე გამოდიოდა 61 კგ-ში, ჭიკაძესთან ბრძოლა კი 66-ში იქნება.
![[VIDEO] თოფურიამ პერეირა დაიცვა და ჰოკიტს თავისი ადგილი მიუჩინა](/_next/image?url=https%3A%2F%2Fge-gz-uploads-471112570717-eu-central-1-an.s3.eu-central-1.amazonaws.com%2Fuploads%2Fposts%2FbUJRXSAPPoBebdUYyrMSgr6IKyYjinhA.webp&w=3840&q=75)
