მსოფლიო ჩემპიონატის მორიგი მატჩი არლინგტონში გაიმართა, სადაც მაყურებელმა არგენტინა-ავსტრიის დაპირისპირება იხილა. ლიონელ სკალონის გუნდმა რთულ შეხვედრაში მორიგი გამარჯვება მოიპოვა, რითაც პლეი-ოფის საგზური ოფიციალურად გაინაღდა.
მატჩის გმირი ლიონელ მესი გახდა, რომელმაც ავსტრიას დუბლი შეუსრულა და კიდევ ერთხელ დაწერა ისტორია — არგენტინელმა ვარსკვლავმა მუნდიალების ისტორიაში თავისი მე-18 გოლი მიითვალა და ყველა დროის საუკეთესო ბომბარდირი გახდა. მესიმ მიროსლავ კლოზეს რეკორდი გააუმჯობესა და მსოფლიო ჩემპიონატების ისტორიაში ყველაზე შედეგიანი ფეხბურთელის სტატუსი ერთპიროვნულად დაისაკუთრა.
არგენტინა 2-0 ავსტრია
გოლი: 1-0 ლიონელ მესი 38', 2-0 ლიონელ მესი 90+5'.
