2024 წლის პარიზის ოლიმპიურ თამაშებზე, კრივის 63,5 კგ. წონით კატეგორიაში პირველი ორთაბრძოლა გამართა ლაშა გურულმა, რომელიც წარმატებული გამოდგა.
27 წლის ქართველი მოკრივე 1/8 ფინალში აზერბაიჯანელ მალიკ ჰასანოვს შეხვდა, მეტოქე დამაჯერებლად დაამარცხა და პარიზის ოლიმპიადის 1/4-ფინალური ეტაპის საგზური მოიპოვა.
ლაშა გურულს მომდევნო მეტოქე ყაზახ მუხამედსაბირ ბაზარბაიულუსა და ტაიპეელ ლაი ჩუ-ენს შორის გაირკვევა — 1/4-ფინალური დაპირისპირება 1 აგვისტოს გაიმართება.