UFC-ის ყოფილმა ჩემპიონმა სუპერმსუბუქ წონით დივიზიონში, დემეტრიუს ჯონსონმა ჯასტინ გეიჯის კარიერის დასრულება ურჩია. ვეტერანი ამერიკელი ჩემპიონის აზრით, იმ შემთხვევაში, თუ "ჰაილაითი" წავა ახლა, მას ძალიან ლამაზი ფინალი გამოუვა.
"გეიჯიმ MMA-ში გააკეთა ყველაფერი, რაც შეეძლო. გამოიმუშავა უამრავი ფული, ბოლოს კი მსუბუქი წონითი დივიზიონის ჩემპიონიც გახდა. საუკეთესო ნაბიჯი ჯასტინის მხრიდან კარიერის დასრულება იქნება. როდესაც უგებ თოფურიას დონის ოპონენტს, აუცილებლად პენსიაზე უნდა გახვიდე.
ასეთ შემთხვევაში გულშემატკივრებს კარიერის პიკში დაამახსოვრდები. ტვინი დაზიანებული არ გაქვს, შეგიძლია ცხოვრებით დატკბე, თანაც 37 წლის ხარ", - განაცხადა "თაგვმა". შეგახსენებთ, ამერიკელმა მსუბუქწონოსანმა ქართველ ოპონენტს კარიერაში პირველი წაგება აგემა, მაგრამ კარიერის დასრულებას ის არ ჩქარობს.
