საქართველოს დელეგაციამ, პარიზის ოლიმპიადაზე 7 მედალი მოიპოვა (3 ოქრო, 3 ვერცხლი, 1 ბრინჯაო) და გუნდურ ჩათვლაში 24-ე ადგილი დაიკავა.
ზაფხულის ოლიმპიადაზე მედლების ჩათვლაში 24-ე ადგილი საქართველოს დამოუკიდებლობის ისტორიაში საუკეთესო შედეგია — აღსანიშნავია, რომ ერთ სულ მოსახლეზე ოქროს მედლების რაოდენობით, საქართველო მე-7 ადგილზე, ხოლო მედლების რაოდენობით მე-10 პოზიციაზე იმყოფება.
საქართველოს შედეგები ზაფხულის ოლიმპიურ თამაშებზე:
1996, ატლანტა — 68 ადგილი (2 ბრინჯაო)
2000, სიდნეი — 68 ადგილი (6 ბრინჯაო)
2004, ათენი — 32 ადგილი (2 ოქრო, 2 ვერცხლი)
2008, პეკინი — 28 ადგილი (3 ოქრო, 2 ვერცხლი, 2 ბრინჯაო)
2012, ლონდონი — 40 ადგილი (1 ოქრო, 2 ვერცხლი, 3 ბრინჯაო)
2016, რიო — 38 ადგილი (2 ოქრო, 1 ვერცხლი, 4 ბრინჯაო)
2020, ტოკიო — 33 ადგილი (2 ოქრო, 5 ვერცხლი, 1 ბრინჯაო)
2024, პარიზი — 24 ადგილი (3 ოქრო, 3 ვერცხლი, 1 ბრინჯაო)
შეგახსენებთ, რომ 2024 წლის პარიზის ოლიმპიურ თამაშებზე ჩემპიონები ლაშა ბექაური, გენო პეტრიაშვილი და ლაშა ტალახაძე გახდნენ, ვერცხლის მედლები ტატო გრიგალაშვილმა, ილია სულამანიძემ და გივი მაჭარაშვილმა მოიპოვეს, ხოლო ბრინჯაოს მედალს ლაშა გურული დაეუფლა.
