ილია თოფურია სოციალურ ქსელში ვიდეოს ავრცელებს, რითაც დაბრუნებას აანონსებს. UFC-ის მსუბუქი წონითი დივიზიონის ყოფილი ჩემპიონი საკუთარ შვილს, ჰუგოს მიმართავს და იმ გამოცდილებაზე საუბრობს, რომელიც ჯასტინ გეიჯისთან წაგებამ ქართველ მებრძოლსა და მის ოჯახს მოუტანა.
"ჰუგო... ბოლო დროს ხშირად ვფიქრობ შენზე. ვფიქრობ იმაზე, თუ რას გრძნობდი, როდესაც ჩემი მარცხი ნახე. ვიცი, ძალიან გეტკინა და, როგორც შენმა მამამ, ვერაფერი გავაკეთე იმისთვის, რომ ეს ტკივილი შენთვის ამეცილებინა....მაგრამ მიხარია, რომ ეს ყველაფერი ერთად გავიარეთ, რადგან იმ დღემ ორივე უფრო ძლიერები გაგვხადა.
მინდა, ყოველთვის გახსოვდეს ერთი რამ - ცხოვრებაში ყოველთვის ვერ გაიმარჯვებ და ეს ნორმალურია. მნიშვნელოვანი ის კი არ არის, რომ დამარცხდი, არამედ ის, თუ როგორ შეხვდები წაგებას და ვინ იქნება შენს გვერდით მაშინ, როცა ყველაფერი სიბნელეში ჩაიძირება. ვფიქრობ, ღმერთს სურდა, ეს ყველაფერი გამევლო.
მესწავლა ის, რასაც გამარჯვება ვერასდროს მასწავლიდა. ხასიათი მაშინ არ ყალიბდება, როდესაც ყველაფერი ისე მიდის, როგორც შენ გინდა. ის მაშინ ვლინდება, როცა ყველაფერი შენს წინააღმდეგ მიდის და იცი, რას მივხვდი? ამ ჯოჯოხეთის გავლის შემდეგ ახლა უფრო ძლიერი ვარ ისე, როგორც არასდროს.
ჩემპიონი ის არ არის, ვინც არასდროს მარცხდება. ჩემპიონია ის, ვინც ყოველთვის პოულობს მიზეზს, რომ წამოდგეს და გზა გააგრძელოს. სწორედ ამის თქმა მინდოდა შენთვის: არასდროს შეგეშინდეს წაგების. ერთადერთი მოგება, რომელსაც ვერავინ წაგართმევს, შენი ხასიათია. ჩვენ დავბრუნდით!“, - აცხადებს "მატადორი".
🚨 Ilia Topuria is back on social media with his first post since the day after his loss at the UFC White House event
— Championship Rounds (@ChampRDS) September 4, 2026
It is a letter to his son, Hugo ❤️
"Hugo, I've been thinking about you these past few days. About what you felt when you saw me go down. I know it hurt you...… pic.twitter.com/m9AKaA5mh3
