ჯასტინ გეიჯიმ დაასახელა სასურველი მეტოქე, ვის წინააღმდეგაც შემდეგ ბრძოლას ჩაატარებდა. მსუბუქი წონითი დივიზიონის ჩემპიონი არ განიხილავს მაქს ჰოლოუეისთან, ჩარლზ ოლივეირასა და ილია თოფურიასთან ჩხუბებს. ამერიკელმა მებრძოლმა კონორ მაკგრეგორი ახსენა.
"ვინ იქნება ჩემი შემდეგი მეტოქე? გამოკვეთილი კანდიდატი არ არსებობს. ჩავთვლი, რომ ჰოლოუეი და ოლივეირა უკვე დავამარცხე, რადგან მე მოვუგე თოფურიას, რომელმაც ორივე გათიშა. ვისურვებდი მაკგრეგორთან ჩხუბს და მის გაჩუმებას. ასეთი უჩვეულო მდგომარეობა კარიერაში არასდროს მქონია.
ადრე ყოველთვის იყო ჩემპიონი, ვისაც მივდევდი, თუმცა ახლა ქამარი მეკუთვნის მე და მიღწეული უნდა შევინარჩუნო. არ ვიცი როდის დავასრულებ კარიერას და არც ის, თუ რამდენი ჩხუბი დამრჩა. დრო რომ მოვა, ჩემს გუნდთან ერთად სწორ გადაწყვეტილებას მივიღებ", - განაცხადა "ჰაილაითმა".
