ილია თოფურიას დამარცხების შემდეგ, ჯასტინ გეიჯი MMA-ს სამყაროს ყურადღების ცენტრში მოექცა. მსუბუქი წონითი დივიზიონის ახალმა ჩემპიონმა გაიხსენა ხაბიბ ნურმაგომედოვსა და ჩარლზ ოლივეირესთან ჩხუბები, რომელშიც მან წააგო. ამერიკელმა მსუბუქწონოსანმა სწორედ მარცხის მიზეზებზე ისაუბრა.
"რატომ დავმარცხდი ხაბიბსა და ჩარლზთან? მათთან ბრძოლაზე ზედმეტად ვნერვიულობდი და ამ ყველაფერს შიშით შევხვდი. იმის ნაცვლად, რომ მეფიქრა, თუ როგორ გამეკონტროლებინა ნურმაგომედოვი და ოლივეირა, მათ ძლიერ მხარეებზე ფიქრი დავიწყე. საკუთარი თავის საუკეთესო ვერსია ვერ ვაჩვენე.
მთელი ბრძოლა ვფიქრობდი იმაზე, თუ როგორ დამეცვა თავი თეიქდაუნებისგან. შიშითა და ზედმეტი სიფრთხილით გამარჯვებას ვერასდროს მოიპოვებ", - განაცხადა "ჰაილაითმა", რომელიც როგორც აღვნიშნეთ, ქართველ მებრძოლთან მოგებით, 70 კილოგრამ დივიზიონის ქამრის მფლობელი გახდა.
