ჰანსი ფლიკმა თავის სადებიუტო სეზონში ბარსელონას მთავარი მწვრთნელის რანგში მადრიდის რეალთან ოთხიდან ოთხ მატჩში იმარჯვა. გერმანელმა დამრიგებელმა "სამეფო კლუბს" 2-ჯერ მოუგო პრიმერა დივიზიონში, ერთხელ ესპანეთის სუპერთასის ფინალში და ერთხელაც ესპანეთის თასის ფინალში.
სადებიუტო ოთხ ელ კლასიკოში გამარჯვება ნამდვილად შთამბეჭდავი შედეგია, თუმცა კატალონიელების ისტორიაში ყოფილა მწვრთნელი, რომელსაც ბერნაბუს ბინადრებთან პირველი 5 შეხვედრაც მოუგია. საუბარია პეპ გუარდიოლაზე, რომელიც 2008-2010 წლების შუალედში დომინირებდა რეალზე.
ესპანელი მწვრთნელის ხუთივე ელ კლასიკო დაემთხვა ლა ლიგაში ასპარეზობას, სადაც "ბლაუგრანამ" ხუთი მატჩის ჯამში მადრიდი 16:2 გაანადგურა. იმ შუალედში იყო კამპ ნოუს ბინადრების ორი ლეგენდად ქცეული მოგებაც, 6:2 ბერნაბეუზე და 5:0 შინ. ნავსი გატყდა 2011 წლის 16 აპრილს, როდესაც გუარდიოლას გუნდსა და "სამეფო კლუბს" შორის დაფიქსირდა ფრე, 1:1.
ბარსელონას ამჟამინდელ მწვრთნელს ყველაფერი წინ აქვს და არაა გამორიცხული, რომ მომავალ სეზონში მან თავისი ესპანელი წინამორბედის მიღწევა გაიმეოროს, ან საერთოდაც გააუმჯობესოს. 60 წლის დამრიგებელმა აბსოლუტურ რეკორდამდე ბერნაბეუს ბინადრებს კიდევ ზედიზედ 2-ჯერ უნდა მოუგოს.
