ბერულავა-მეტელკინას წყვილმა მოკლე პროგრამაში 71,68 ქულა დააგროვა და მეოთხე ადგილი დაიკავა, თავისუფალ პროგრამაში 130,53 ქულით მეექვსე პოზიციაზე გავიდნენ. პროგრამის შედეგად კი 202.21 ქულა დააფიქსირეს, მეოთხე ადგილზე აღმოჩდნენ და საქართველოს 2026 წლის ზამთრის ოლიმპიურ თამაშებზე პირველი ლიცენზია მოუტანეს.
მამაკაცებს შორის მოკლე პროგრამით იასპარეზა ნიკა ეგაძემ. მან 90.39 ქულა დაიმსახურა და ამ ეტაპზე მეექვსე ადგილზეა. ნიკა თავისუფალი პროგრამით 30 მარტს იასპარეზებს.
ჩემპიონატს გამოეთიშა ანასტასია გუბანოვა, რომელმაც თავისუფალ პროგრამაში გადასვლა ვერ შეძლო. მოკლე პროგრამაში მან 47,31 ქულა მიიღო, რაც 28-ე შედეგი აღმოჩნდა.
შეგახსენებთ, წელს ლუკა ბერულავასა და ანასტასია მატელკინას წყვილმა იუნიორთა შორის მსოფლიოს ჩემპიონობა იზეიმა. ოქროს მედალი მათ ზედიზედ მეორედ მოიპოვეს.
