UFC-ის ყოფილმა ჩემპიონმა, შონ ო'მალიმ სუპერმსუბუქი წონითი დივიზიონის ყველა დროის საუკეთესო მებრძოლი დაასახელა. მან აღნიშნულ სიაში მერაბ დვალიშვილზე წინ პიოტრ იანი დააყენა. შეგახსენებთ იმასაც, რომ ქამრის ამერიკელმა ექს-მფლობელმა კარიერის მანძილზე ორივესთან წააგო.
"იანი ჯონსისა და თოფურიას დონის მებრძოლია. იყო დრო, როდესაც სუპერმსუბუქი წონითი დივიზიონის ყველა დროის საუკეთესოდ ვთვლიდი სტერლინგს, მაგრამ მე მას მოვუგე. საოცარი სერია ჰქონდა დვალიშვილსაც და შეიძლებოდა ფიქრი, ის ნომერ 1-ელია, თუმცა შემდეგ, პიოტრი დაბრუნდა.
რუსმა ჩემპიონმა მერაბი დაამარცხა ფენომენალურ სტილში, რის გამოც ვფიქრობ, რომ ყველა დროის საუკეთესო სუპერმსუბუქწონოსანი სწორედ ისაა. "დაუნდობელს" უდიდეს პატივს ვცემ", - განაცხადა "შუგამ". რაც შეეხება 61 კილოგრამ დივიზიონის შემდეგ სატიტულო ჩხუბს, ჯერჯერობით უცნობია, თუ ვინ იქნება იანის მოწინააღმდეგე.
