UFC-ის ქვემსუბუქი წონის ქართველმა ჩემპიონმა - ილია თოფურიამ უკანასკნელად "full send podcast"-თან ისაუბრა, სადაც მან თავისი და ბრიტანელი მებრძოლის პირადი დაპირისპირება განიხილა.
ის ჩვეულებრივი იდიოტივით იქცეოდა და ძალიან შეურაცხმყოფელი იყო ჩემი ქვეყნისა და ხალხის მიმართ. მან საუბარი ომზე დაიწყო, რომელიც ჩვენ ადრე რუსეთთან გვქონდა. მან განაცხადა, რომ ახლა მესმის, თუ რატომ დაბომბა საქართველო რუსეთმაო. ამ ომში ბევრი ბავშვი და უბრალო ადამიანი დაიღუპა. როცა ესეთ რაღაცებზე ხუმრობ, უბრალოდ შეეცადე, რომ ქუჩაში არ გადამეყარო, რადგან თავს წაგაძრობ. ის ცდილობს, რომ პოპულარობა მსგავს რაღაცებზე დაცინვით მოიხვეჭოს, მე კი ასეთი რამე არასდროს გამიკეთებია და არც გავაკეთებ," - განაცხადა თოფურიამ.
დაახლოებით 2-3 წლის წინ, "ელ მატადორი" წონითი კატეგორიის რეიტინგში არ იყო, რის გამოც მისი და ახალბედა ინგლისელის შეხვედრას UFC დიდი ხნის განმავლობაში განიხილავდა, მაგრამ უცნობი მიზეზების გამო, ეს ბრძოლა ვერ შედგა.
თავდაპირველად, დაპირისპირება პედი პიმბლეტის პროვოკაციული კომენტარებით დაიწყო, რომელიც მან გურამ ქუთათელაძის მიმართ თქვა. მალევე ამ ყველაფერში ილიაც ჩაერთო, რასაც რუსეთ-საქართველოს კონფლიქტის შესახებ პედი პიმბლეტის დამამცირებელი სიტყვები მოჰყვა.
მოგეხსენებათ, რომ პიმბლეტი მსუბუქწონოსანია, ხოლო თოფურიას მიზანიც ამჟამად ქვემსუბუქიდან ზემოთა დივიზიონში ასვლაა. მიუხედავად ამისა, დროის გასვლამ ეს ღონისძიება უფრო და უფრო უაზრო გახადა, რადგან ამჟამად ილია ბევრად ელიტარული მებრძოლია და ქვემსუბუქი წონის ქამარს ფლობს, ხოლო პედი მე-12 არის თავის დივიზიონში, რაც ნიშნავს იმას, რომ ლივერპულელი კონტენდერისთვის მსგავს ათლეტთან ბრძოლა ცალსახად დაუმსახურებელია.
