მიუხედავად იმისა, რომ საქართველო უკვე დამოუკიდებელი სახელმწიფო იყო, საერთაშორისო ოლიმპიურმა კომიტეტმა ყოფილი საბჭოთა კავშირის ქვეყნების საკუთარ რიგებში შეყვანა დააგვიანა და სპორტსმენები ბარსელონას ოლიმპიადაზე გაერთიანებული გუნდის სახელით გამოვიდნენ.
საერთაშორისო ოლიმპიურმა კომიტეტმა ერთი გამონაკლისი დაუშვა — გაერთიანებულ გუნდში მოასპარეზე სპორტსმენებს, საკუთარი ქვეყნის დროშის და ჰიმნის გამოყენების უფლება მისცა. სწორედ ბარსელონაში აფრიალდა პირველად საქართველოს დროშა და გაისმა ეროვნული ჰიმნი.
პირველი ოქროს მედალი ძიუდოისტმა, დავით ხახალეიშვილმა მძიმე წონაში 27 ივლისს მოიპოვა. ქართველმა ძიუდოისტმა ფინალში იაპონელი 4-გზის მსოფლიო ჩემპიონი, ნაოია ოგავა იპონით დაამარცხა და კარიერაში ყველაზე მთავარ ჯილდოს, ოლიმპიურ ოქროს დაეუფლა.
ქართველი ძიუდოისტის წარმატების შემდეგ, გაერთიანებულ გუნდის სახელით მოასპარეზე კიდევ ერთმა ქართველმა, კახი კახიაშვილმა მოახერხა კვარცხლბეკის უმაღლეს საფეხურზე ასვლა და ქართული ჰიმნის კიდევ ერთხელ აჟღერება.
ბარსელონას ოლიმპიადაზე ძალოსნობის შეჯიბრი 90 კგ. წონით კატეგორიაში 1-ელ აგვისტოს გაიმართა და საკმაოდ დაძაბული გამოდგა. კახი კახიაშვილმა ოლიმპიურ თამაშებამდე რამდენიმე თვით ადრე, ევროპის ჩემპიონატი მოიგო და ორჭიდის ჯამში 400 კგ. დააფიქსირა.
ოლიმპიურ თამაშებზე ქართველის მთავარი მეტოქე სერგეი სირცოვი იყო, რომელიც ლიდერობდა კიდეც ოქროსთვის ბრძოლაში. აკვრაში, კახი კახიშვილმა ბოლო მისვლაზე 235 კგ. აწია, მსოფლიო რეკორდი დაამყარა და ორჭიდის ჯამში 412,5 კგ-ით ოლიმპიური ჩემპიონიც გახდა. აღსანიშნავია, რომ კახიაშვილსა და სირცოვს თანაბარი შედეგი ჰქონდათ და გამარჯვებული სპორტსმენების წონამ გადაწყვიტა — ქართველი 200 გრამით უფრო მსუბუქი აღმოჩნდა.
დაჯილდოების ცერემონიალზე კახი კახიაშვილის პატივსაცემად რუსეთის დროშის აღმართვას აპირებდნენ, თუმცა, ქართველმა სპორტსმენმა პროტესტი გამოთქვა და ორგანიზატორებმა შეცდომა გამოასწორეს. ბარსელონაში მეორედ აფრიალდა საქართველოს დროშა და გაისმა ქართული ჰიმნი.
ბარსელონას ოლიმპიადაზე ძალოსნობის შეჯიბრი 90 კგ. წონით კატეგორიაში 1-ელ აგვისტოს გაიმართა და საკმაოდ დაძაბული გამოდგა. კახი კახიაშვილმა ოლიმპიურ თამაშებამდე რამდენიმე თვით ადრე, ევროპის ჩემპიონატი მოიგო და ორჭიდის ჯამში 400 კგ. დააფიქსირა.
ოლიმპიურ თამაშებზე ქართველის მთავარი მეტოქე სერგეი სირცოვი იყო, რომელიც ლიდერობდა კიდეც ოქროსთვის ბრძოლაში. აკვრაში, კახი კახიშვილმა ბოლო მისვლაზე 235 კგ. აწია, მსოფლიო რეკორდი დაამყარა და ორჭიდის ჯამში 412,5 კგ-ით ოლიმპიური ჩემპიონიც გახდა. აღსანიშნავია, რომ კახიაშვილსა და სირცოვს თანაბარი შედეგი ჰქონდათ და გამარჯვებული სპორტსმენების წონამ გადაწყვიტა — ქართველი 200 გრამით უფრო მსუბუქი აღმოჩნდა.
დაჯილდოების ცერემონიალზე კახი კახიაშვილის პატივსაცემად რუსეთის დროშის აღმართვას აპირებდნენ, თუმცა, ქართველმა სპორტსმენმა პროტესტი გამოთქვა და ორგანიზატორებმა შეცდომა გამოასწორეს. ბარსელონაში მეორედ აფრიალდა საქართველოს დროშა და გაისმა ქართული ჰიმნი.
მესამე ქართველი, რომელმაც ბარსელონაში ოქროს მედალი მოიპოვა, თავისუფალი სტილით მოჭიდავე ლერი ხაბელოვი იყო, ის კვარცხლბეკის უმაღლეს საფეხურზე 5 აგვისტოს ავიდა.
თავისუფალი სტილით მოჭიდავეთა ტურნირზე 100 კგ. წონით კატეგორიაში ლერი ხაბელოვი ერთ-ერთი ფავორიტი იყო — სეულის ოლიმპიადაზე მან ფინალი დათმო და ვერცხლს დასჯერდა, ბარსელონაში კი მხოლოდ გამარჯვებისთვის იბრძოდა.
ქართველმა მოჭიდავემ სეულის ოლიმპიური თამაშების შემდეგ, ორჯერ მოახერხა მსოფლიო ჩემპიონის ტიტულის მოგება და ბარსელონაში ტიტულოვანი სპორტსმენის სახელით ჩავიდა. მან ფინალამდე თურქი, სამხრეთ აფრიკელი, ბულგარელი, უნგრელი და პოლონელი მოჭიდავეები დაამარცხა, ოქროსთვის ბრძოლაში კი გერმანელ მეტოქეს აჯობა და კარიერის მთავარი ტიტული მოიგო.
3 ოქროს გარდა, ქართველმა სპორტსმენებმა 1992 წლის ბარსელონას ოლიმპიადაზე 5 ბრინჯაოს მედალი მოიპოვეს — მესამე ადგილზე მოჭიდავეები დავით გობეჯიშვილი და გიორგი კოღუაშვილი, ჩოგბურთელი ლეილა მესხი, მშვილდოსანი ხათუნა ქვრივიშვილი და მოკრივე რამაზ ფალიანი გავიდნენ.
თავისუფალი სტილით მოჭიდავეთა ტურნირზე 100 კგ. წონით კატეგორიაში ლერი ხაბელოვი ერთ-ერთი ფავორიტი იყო — სეულის ოლიმპიადაზე მან ფინალი დათმო და ვერცხლს დასჯერდა, ბარსელონაში კი მხოლოდ გამარჯვებისთვის იბრძოდა.
ქართველმა მოჭიდავემ სეულის ოლიმპიური თამაშების შემდეგ, ორჯერ მოახერხა მსოფლიო ჩემპიონის ტიტულის მოგება და ბარსელონაში ტიტულოვანი სპორტსმენის სახელით ჩავიდა. მან ფინალამდე თურქი, სამხრეთ აფრიკელი, ბულგარელი, უნგრელი და პოლონელი მოჭიდავეები დაამარცხა, ოქროსთვის ბრძოლაში კი გერმანელ მეტოქეს აჯობა და კარიერის მთავარი ტიტული მოიგო.
3 ოქროს გარდა, ქართველმა სპორტსმენებმა 1992 წლის ბარსელონას ოლიმპიადაზე 5 ბრინჯაოს მედალი მოიპოვეს — მესამე ადგილზე მოჭიდავეები დავით გობეჯიშვილი და გიორგი კოღუაშვილი, ჩოგბურთელი ლეილა მესხი, მშვილდოსანი ხათუნა ქვრივიშვილი და მოკრივე რამაზ ფალიანი გავიდნენ.
1992 წლის ბარსელონას ოლიმპიადის შემდეგ, საერთაშორისო ოლიმპიურმა კომიტეტმა საკუთარ რიგებში საქართველო ოფიციალურად მიიღო და ქართველ სპორტსმენებს უკვე დამოუკიდებელი საქართველოს სახელით ასპარეზობის უფლება მიეცათ.
