მადრიდის რეალის ლეგენდარულმა ნახევარმცველმა, ზინედინ ზიდანმა, ჯუდ ბელინგემის შესახებ ისაუბრა. ესპანეთში გადასვლის შემდეგ, გულშემატკივრების მხრიდან არ ცხრება პარალელების გავლება ყოფილ ფრანგ გამთამაშებელსა და ინგლისელ ფლეიმეიქერს შორის. ვეტერანმა ამ საკითხზეც ისაუბრა:
"მომწონს ბელინგემი თავისი ხასიათითა და მენტალიტეტით. ის მუდმივად წარმატების მიღწევაზე ფიქრობს. მოხარული ვარ, რომ ის რეალის ფეხბურთელია. ჯუდს ჰქონდა საოცარი განვლილი სეზონი, მაგრამ მე ეს არ გამკვირვებია, რადგან მისი შესაძლებლობების შესახებ კარგად ვიცოდი. ვფიქრობ, მომავალში ინგლისელი გამთამაშებელი კიდევ უფრო დაიხვეწება.
მადრიდელთა ნახევარმცველში ვხედავ ფეხბურთელს, რომელსაც კლუბის ისტორიაში შესვლა შეუძლია. ჩვენი ერთმანეთთან შედარება? - ორივე ვწერთ საკუთარ ისტორიას, მე ზიდანი ვარ, ის კი - ბელინგემი. ვფიქრობ, მისი თავგადასავალი "სამეფო კლუბში" საოცარი იქნება", - განაცხადა ლეგენდარულმა ფრანგმა გამთამაშებელმა.
