სელტიკთან მატჩი
"საქართველოს ნაკრების შემადგენლობაში შოტლანდიაში ნათამაშები უკვე მაქვს. ადგილობრივი გულშემატკივრები ფეხბურთით არიან შეპყრობილები. საოცარი ატმოსფერო იქნება, მაგრამ საკმარისი გამოცდილება გვაქვს იმისთვის, რომ ზეწოლას გავუძლოთ. ჩემპიონთა ლიგის დაწყებას თითოეული ჩვენგანი მოუთმენლად ელის".
მიზანი ჩემპიონთა ლიგაზე
"რეალისტები ვიყოთ. არ ღირს წინასწარ იმაზე ფიქრი, თუ რამდენ ქულს მოვაგროვებთ. ჩემპიონთა ლიგის ახალი ფორმატი არ იძლევა წინასწარ დაგეგმვის საშუალებას. ამ ტურნირზე თამაშობენ მხოლოდ საუკეთესოები და ჩვენი მიზანია სლოვანის ღირსეულად წარმოჩენა. ვპირდები ქომაგებს, რომ მაქსიმალურად დავიხარჯებით".
ფორმის შენარჩუნება 37 წლის ასაკში
"პირველ რიგში, დიდ ყურადღებას ძილს ვუთმობ. რაც შეიძლება დიდხანს მძინავს. შემდეგ დიეტა - ხარისხიანი და ჯანმრთელი საკვები, პლიუს დანამატები. ვიღებ ყველაფერს, რაც ორგანიზმს სჭირდება. ასევე ვვარჯიშობ როგორც საერთო ჯგუფთან ერთად, ისე ინდივიდუალურადაც. ძალების აღდგენა და დასვენება ასევე, ძალიან მნიშვნელოვანია.
თავისუფალ დროს, ძირითადად, სახლში ვატარებ. ჩემმა მეგობრებმა იციან, რომ არსად გავდივარ. ვარჯიშის შემდეგ, სახლში დასვენება მირჩევნია. ჩემს მთავარ გატაცებად ფეხბურთი რჩება".
განწყობა მატჩის წინ
"სლოვანისთვის არ არსებობს უმნიშვნელო შეხვედრები და გამარჯვებები. ამ გუნდში მეოთხე სეზონს ვატარებ და არ მახსოვს ერთი თამაშიც კი, როდესაც შედეგების გამო ზეწოლის ქვეშ არ ვყოფილიყავით. ჩემპიონთა ლიგაზე თამაში დიდი გამოწვევა არის. ჩემპიონატში ყველაფერი კარგად მიდის, ახლა კი მხოლოდ სელტიკზე ვფიქრობთ".
