ცოტა ხნის წინ, ბარსელონამ შეთანხმებას მიაღწია ნაიკთან კონტრაქტის გახანგრძლივების თაობაზე. ახალი ხელშეკრულების თანახმად, ტექნიკური სპონსორისგან მიღებული შემოსავლით, "ბლაუგრანა" გადაინაცვლებს 1-ელ პოზიციაზე, რითაც მადრიდის რეალსაც გაუსწრებს. ახალი კონტრაქტი გათვლილი იქნება 2038 წლამდე, რომლის მიხედვითაც კატალონიელები ყოველწლიურად 121 მილიონ ევროს მიიღებენ.
მეორე ადგილზე არის ზემოთხსენებული "სამეფო კლუბი", რომელიც ადიდასისგან 2028 წლამდე 120 მილიონ ევროს იღებს. ათეულში გვხვდება სერია ა-ს ერთადერთი წარმომადგენელი, ტურინის იუვენტუსი, რომელიც მე-9 პოზიციაზე არის. იტალიური კლუბი ადიდასისგან იღებს 55.1 მილიონს, ხელშეკრულება 2027 წლამდეა გათვლილი.
