გუშინ, ევროპა ლიგის ახალი სეზონი დაიწყო. მატჩების დაწყებამდე კი ვეტერანი ფეხბურთელები, ჯეიმი კარაგერი, მიკა რიჩარდსი და ტიერი ანრი ამ ტურნირის გარშემო მიმდინარე მოვლენებს განიხილავდნენ.
კარაგერმა და რიჩარდსმა თავი ევროპა ლიგის კლუბების ცოდნაში გამოცადეს და ცდილობდნენ გამოეცნოთ, თუ რომელი გუნდი რომელი ქვეყნიდან იყო.
ერთ-ერთ კითხვაზე, თუ რომელი ქვეყნის კლუბია ყარაბახი, კარაგერმა არა აზერბაიჯანი, არამედ საქართველო უპასუხა. როცა ვეტერანმა ინგლისელმა გაიგო, რომ ყარაბახი აზერბაიჯანული კლუბია, ცოტა გაუკვირდა კიდეც. რიჩარდსმა ამ შეკითხვას სწორად უპასუხა.