მატჩის შემდეგ კომენტარი ქუთაისელთა ბრიტანელმა სპეციალისტმა სტივ კინმა და ფეხბურთელმა გიორგი მჭედლიშვილმა გააკეთა.
გიორგი მჭედლიშვილი: "ვიცოდით, რომ დაძაბული თამაში იქნებოდა. კარგად ვითამაშეთ, თუმცა უიღბლობას ჰქონდა ადგილი. ბევრი მომენტი გვქონდა და გოლი აქეთ გავუშვით. შემდეგ მატჩში ყველაფერს გავაკეთებთ, რომ შემდეგ ეტაპზე გავიდეთ. ვიცით, რომ საქართველოს ნაკრების წარმატების შემდეგ, გულშემატკივარს წარმატება საკლუბო ფეხბურთშიც უნდა, ეს ჩვენც ძალიან გვინდა და ყველაფერს ვაკეთებთ ამისთვის.
სტივ კინი: "ცხადია, შესარჩევი ციკლის წინ მიზანი ჯგუფში შესვლა იყო, თუმცა დღევანდელი მატჩის შემდეგ, ამაზე პასუხი არ მაქვს. ჯგუფამდე კიდევ დიდი გზაა გასავლელი და ჯერ მხოლოდ ამ ეტაპის გადალახვაზე ვფიქრობთ. 1:0-ის შემდეგ, მოვდუნდით. გოლის გატანა შეგვეძლო, მაგრამ რაც დრო გადიოდა, ტემპი ვარდებოდა, რითიც მეტოქემ ისარგებლა და გოლი გაიტანა. ვიმედოვნებ, სახო მომდევნო შეხვედრაში თამაშს შეძლებს."
